Aanohon Pa An Sakati, Kun Gadan Na An Kabayo.
Kadakul na tawo ngonian an inaapod na “workaholics”. Mainit an saindang payo kun nakakhiling nin tawong nakatukaw lang. Bakong maraot an magmahigos. Alagad ang trabaho bako an katapusan kan gabos na bagay. Dakul na beses dai napapakinabangan kan tawo an saiyang pinagalan. Iba an minapakinabang kan saiyang pinaglapigotan. Ini talaga dakulang katontohan.
Kagurangnan, dai kami nabubuhay tanganing magtrabaho kundi nagtra-trabaho tanganing mabuhay. Aanohon pa an kwarta na tinipon kun may helang na kami? An kwarta baga para sa pagpabolong lang? Ano daw an kwarta inandam para lang maging magayon an samong lolobngan? Tawi kami nin kadonongan na masabotan mi an tunay na kahulugan kan buhay, kan trabaho, kan kaogmahan.
Comments
Share your message and and good thoughts about this post.
|
|
|
