An Gapong Naglilitong, Dai Lolomoton.
An lomot iyo an minaraot sa gapo. An gapong malumot nagiging mahalnas asin siisay man an makatungtung puedeng mapadarinas. An lomot sa kahaloyan iyo an ginigikanan kan pagkabaak kan gapo. Puedeng sabihon na mayong matagas na gapo sa makinapot na lomot. Alagad an gapong naglilitong nakakaiwas sa mga lomot, dai siay puedeng magapos kan anoman na lomot.
Siring man an tawo kun nakokontento lang sa sarong kondisyon o kaugalian asin habo na magbago, nagiging sarado an saiyang kaisipan. Alagad an tawong pirmeng naghahanap nin orog kamarhay, nagiging bukas an saiyang kaisipan. An hona kan iba siya pirme lang naglilitong na mayong direksyon. Alagad nagsusunod lang siya sa apod kan saiyang puso.
Kagurangnan, tinawan mo kami nin kaisipan tanganing gamiton ini sa pagbago kan samong buhay. Dai mo kami itugot na magtakla., magpalumot, alagad hanapon mi logod an ikakarahay sa samo asin sa kapwa.
Comments
Share your message and and good thoughts about this post.
|
|
|
