An Halangkaw Na Kawayan Maski Minaduko Dai Nababari.
An Halangkaw Na Kawayan Maski Minaduko Dai Nababari.
An halangkaw na kawayan nakikibagay sa doros. Kun gurano an langkaw, iyo man an rarom kan pagkaduko. Sa pagduko niya nunca nababari. Kun pinipirit na iduko, tolos nababari. An sukol kan kadakulaan kan tao iyo an saiyang pagpakumbaba. Daing takot siyang magduko, makibagay sa iba nin huli ta dai siya madaling madagka. Hararom an saiyang “sense of security.”Alagad an tawong dai segurado sa saiyang sadiri, hambogon asin madaling madara. Pinipirit niyang maki-iba maski dai niya kaya.
Kagurangnan, ika tunay na nagpahiling nin pakiki-iba. Diosnon an saimong kamugtakan alagad ika nagpakumbaba, naging siring samuya. Tabangi, Kagurangnan, na makaarog kami saimo.
Comments
Share your message and and good thoughts about this post.
|
|
|
