An Kaogmahan Kan Pagbiyahe Minapoon Sa Pag-Empake.
Hona kan kadaklan an kaogmahan sa pagbiyahe nakukua lang kun makaabot na sa mga dudumanan. Alagad puede nang mamatean an kaogmahan magpoon sa kapinonan sagkod sa katapusan.
An tawo buhay na, pagpoon na siya ipangidam sagkod na siya bawian nin buhay. Sa kada parte kan satuyang buhay, makukua ta na an kaogmahan, maski bakong kompleto. Dapat mag-ogma kita sa kada momento kan satong pagkabuhay.
An buhay ta garo sarong pagbiyahe. An iba halipot an panahon, an iba halawig. Sa satuyang pagbiyahe importante na akoon ta an gabos na nangyayari: an liwanag nin aldaw asin an bangging mayong bitoon, an paros, an bagyo asin an matoninong na dagat.
Kagurangnan, tawi kami nin tunay na pakasabot kan samong buhay digdi sa daga. Mantang kami nagbibiyahe makanood logod kami na magogma na, ta maski saen kami yaon ka man duman
Comments
Share your message and and good thoughts about this post.
|
|
|
