Nag-Papaatong Lang Sa Baha An Butod Na Sira.
Kun an tawo nagpapadara lang sa mga kagustuhan kan kinaban, mayo siya nin sadiring paninindogan. Madali siyang iatong, ta siya nasasakopan kan poder kan iba. Mayo siyang sadiring fuerza na magkontra. Kun minsan an makusog na agos na iyan namamatean niya bako lang sa luwas kundi mismo sa laog kan saiyang puso, na kun saen dapat maghade an katoninongan.
Kagurangnan, kun misan garo ako sira na mayong buhay, na nagpapadara sa agos nin kasalan. Alagad kun ako nakikilaban sa agos nin kasalan, yaon sako an buhay. Tawi ako nin kusog na makilaban. Marhay pang makilaban sa alon kisa kan magpaatong na lang.
Comments
Share your message and and good thoughts about this post.
|
|
|
