Sarong Gurang Nagtaram:
Sarong dakulang ugali kan mga Pinoy na magpasalamat sa tahaw nin tragedya. Nasuloan na ngani, nagpapasalamat pa ta mayong nagadan o nakulgan. Maski ngani nasulo na an gabos, sige pa an pagpasalamat. Ini daw kaya pagpabaya? Ini kaya sarong ekspresyon kan “bahala na” attitude? O ini kaya bunga kan dakulang pagsarig sa Diyos?
Kagurangnan, tawi ako nin simpleng pagtubod na ginigikanan nin pasasalamat. Siguro mas maoogma ako kung pirmi akong nagpapasalamat imbes na magpapara-hinanakit. Salamat Kagurangnan ta duwa pa an sakong bitis, asin duwa an sakong kamot, asin an sakong puso yaon pa sa saiyang lugar. Salamat, Kagurangnan.
Comments
Share your message and and good thoughts about this post.
|
|
|
